امت نیوز ڈیسک //
ادھم پور، 13 جون : جمعہ کو ادھم پور کے منڈ علاقے کے قریب قومی شاہراہ-44 پر ایک المناک سڑک حادثے میں دو افراد کی موت ہو گئی جبکہ ایک اور زخمی ہو گیا۔
سرکاری ذرائع نے نیوز ایجنسی جے کے این ایس کو بتایا کہ یہ واقعہ صبح تقریباً 3:00 بجے اس وقت پیش آیا جب رجسٹریشن نمبر JK21K 9423 والی ایک سوئفٹ کار سڑک کے ڈیوائیڈر سے ٹکرا گئی، جس کے نتیجے میں دو افراد موقع پر ہی ہلاک جبکہ ایک شخص زخمی ہوگیا۔
انہوں نے بتایا کہ زخمی شخص کو ابتدائی طور پر قریبی طبی سنٹر منتقل کیا گیا اور بعد میں اسے اعلیٰ علاج کے لیے گورنمنٹ میڈیکل کالج (جی ایم سی) جموں ریفر کیا گیا۔
واقعہ کا نوٹس لیتے ہوئے مزید تفتیش شروع کر دی گئی ہے۔ (جے کے این ایس)
