امت نیوز ڈیسک //
سری نگر، 04 جولائی : وسطی اور شمالی کشمیر کے اضلاع میں نہاتے ہوئے ڈوبنے کے بعد دریا سے دو نوجوانوں کی لاشیں نکالی گئیں۔
عہدیداروں نے جی این ایس کو بتایا کہ ایس ڈی آر ایف اور کیو آر ٹی نے تلاشی کے دوران بٹوارہ کے رہنے والے ایک لڑکے عادل احمد کی لاش برآمد کی۔ وہ نہاتے ہوئے ڈوب گیا تھا۔
اسی طرح ایک اور 9 سالہ بچے شاہد احمد ولد طارق احمد وانی کی لاش بہار آباد حاجن سے برآمد ہوئی۔
دریں اثنا، پولیس نے اس سلسلے میں ایک کیس درج کر لیا ہے اور تحقیقات شروع کر دی گئی ہے۔
