امت نیوز ڈیسک //
جنوبی کشمیر کے ضلع کلگام کے اکہال جنگلات میں جاری انکاؤنٹر آج چھٹے روز میں داخل ہوا۔ انکاؤنٹر میں اب تک کم از کم دو ملی ٹنٹس ہلاک ہو چکے ہیں۔ حکام کے مطابق چھپے ملی ٹنٹس گھنے جنگلات میں گپھاؤں کا سہارا لے رہے ہیں، تاہم ان کی تلاش کے لیے آپریشن میں مزید شدت لائی گئی ہے۔ وہیں دوسری جانب کل شام سے علاقے میں بارش ہونے کے باوجود آپریشن کو نہ صرف جاری رکھا گیا بلکہ اس میں مزید شدت اور تیزی لائی گئی ہے۔ خبر نشر ہونے تک علاقے میں بارش کا سلسلہ جاری تھا تاہم آپریشن میں جاری ہیں۔
پیرا کمانڈوز تعینات
حکام نے بتایا کہ علاقے میں ہائی ٹیک ڈرونز، ہیلی کاپٹرز اور پیرا کمانڈوز کو تعینات کیا گیا ہے تاکہ جنگلاتی علاقے کی مؤثر نگرانی کی جا سکے۔
تازہ ترین اطلاعات کے مطابق، سیکورٹی فورسز نے سرچ آپریشن کو مزید تیز کرتے ہوئے محاصرہ مزید سخت کر دیا ہے۔ جبکہ رات بھر وقفے وقفے سے فائرنگ اور دھماکوں کی آوازیں سنائی دیتی رہیں، جس کے پیش نظر مقامی آبادی کو محتاط رہنے کی ہدایت جاری کی گئی ہے۔
ادھر، پولیس اور فوجی کے اعلیٰ افسران موقع پر موجود ہیں اور صورتحال کی باریک بینی سے نگرانی کر رہے ہیں۔ قابل ذکر ہے کہ یہ آپریشن جمعہ کے روز شروع ہوا تھا اور اسے رواں برس کا ایک بڑا آپریشن قرار دیا جا رہا ہے۔ اب تک اس انکاؤنٹر میں تین ملی ٹنٹس کی ہلاکت کی تصدیق ہو چکی ہے جبکہ اس دوران چار فوجی اہلکار بھی زخمی ہوئے ہیں۔
