امت نیوز ڈیسک //
سری نگر:محکمہ موسمیات کی پیش گوئی کے مطابق جموں وکشمیر میں اگلے 3 دنوں کے دوران کئی مقامات پر بارشوں کا امکان ہے جبکہ اس دوران صوبہ جموں کے کچھ علاقوں اور کشمیر میں کہیں کہیں بھاری بارشیں ہوسکتی ہیں۔محکمے نے اپنی ایڈوائزری میں کہا کہ 17 سے 19 اگست جموں صوبے اور کشمیر میں بھی کچھ مقامات پر تیز اور بھاری بارشوں کا امکان ہے اور اس دوران کہیں کہیں سیلابی ریلے آنے، بادل پھٹنے،لینڈ سلائنڈنگ اور پتھر کھسک آنے کے بھی خطرات ہیں۔
متعلقہ محکمے کے ایک ترجمان نے بتایا کہ جموں وکشمیر میں 16 اگست کو کچھ مقامات پر مختصر مرحلوں کی بارشوں کا امکان ہے۔متعلقہ محکمے کے ایک ترجمان نے بتایا کہ 17 سے 19 اگست تک کئی مقامات پر گرج چمک کے ساتھ ہلکی سے درمیانی درجے کی بارشوں کا امکان ہے جبکہ اس دوران کہیں کہیں تیز ہوائوں کے ساتھ بھاری بارشیں ہوسکتی ہیں۔ان کا کہنا ہے کہ بعد ازاں 23 سے 25 اگست تک کئی مقامات پر ہلکی سے درمیانی درجے کی بارشوں کا ایک اور مرحلہ متوقع ہے۔
محکمے نے اپنی ایڈوائزری میں کہا کہ 17 سے 19 اگست جموں صوبے اور کشمیر میں بھی کچھ مقامات پر تیز اور بھاری بارشوں کا امکان ہے اور اس دوران کہیں کہیں سیلابی ریلے آنے، بادل پھٹنے،لینڈ سلائنڈنگ اور پتھر کھسک آنے کے بھی خطرات ہیں۔لوگوں سے کہا گیا ہے کہ وہ ندی نالوں، دریائوں اور کمزور تعمیراتی ڈھانچوں کے نزدیک جانے سے احتراز کریں۔
ایڈوائزری میں مسافروں کو محکمہ موسمیات کی پیش گوئی کے مطابق سفر کی مںصوبہ بندی کرنے کا مشورہ دیا گیا ہے۔محکمے کے مطابق جموں وکشمیر کے کچھ اضلاع میں گذشتہ 24 گھنٹوں کے دوران نمایاں بارش ریکارد ہوئی ہے۔اس دوران اودھم پور میں 97 ملی میٹر، کٹھوعہ میں 35 ملی میٹر، ریاسی میں 23 ملی میٹر اور جموں میں 20.6 ملی میٹر بارش ریکارڈ ہوئی ہے۔
