امت نیوز ڈیسک //
سرینگر، 13 مارچ : جمعۃ الوداع کے موقع پر سرینگر کی تاریخی حضرت بل درگاہ میں تقریباً ایک لاکھ عقیدت مندوں نے نماز جمعہ ادا کی۔
صبح سویرے سے ہی بڑی تعداد میں لوگ درگاہ پہنچے اور خطے میں امن، خوشحالی اور بھلائی کے لیے خصوصی دعائیں کیں۔ حکام نے نماز کے پُرامن انعقاد کے لیے سخت سکیورٹی انتظامات کیے تھے اور پولیس سمیت دیگر سکیورٹی اہلکار تعینات رہے۔
اس کے علاوہ وادی کشمیر کی مختلف مساجد اور درگاہوں میں بھی بڑی تعداد میں لوگوں نے جمعۃ الوداع کی نماز ادا کی اور امن و سلامتی کے لیے دعائیں مانگیں۔ (جے کے این ایس)
