(سرینگر) جموں کشمیر کی سر زمین سے عسکریت کی جڑ ختم کرنے تک راحت کی سانس نہیں لے گی کی بات کرتے ہوئے لیفٹنٹ گورنر منوج سنہا نے کہا کہ شہری ہلاکتوں میںملوث افراد کو ان کے کئے کا حساب دینا ہوگا۔ انہوں نے کہا کہ میں واضح کر دینا چاہتا ہوں کہ جموں و کشمیر میں امن و امان کی صورتحال کو بگاڑنے کی کسی کو اجازت نہیںدی جائے گی جبکہ روایتی بھائی چارے کو زک پہنچانے کی جو بھی کوشش کریں گا اس کو بھر پور انداز میںجواب دیا جائے گا ۔ زیون سرینگر میں پولیس کی جانب سے منعقدہ ایک تقریب سے خطاب کرتے ہوئے لیفٹنٹ گورنر منوج سنہا نے کہا کہ جموں و کشمیر میں امن وامان کی صورتحال کو برقرار رکھنے کیلئے جموں و کشمیر پولیس اور دیگر سیکورٹی ایجنسیاں قابل تعریف کام کر رہے ہیں جبکہ کووڈ کی صورتحال میں بھی تما م ایس او پیز پر مکمل طور پر عملدر آمد کرکے انہوں نے جموں و کشمیر میں امن بنائے رکھنے اور عسکریت کا خاتمہ کرنے کیلئے کوششیں جاری رکھیں ۔ گزشتہ کئی دنوں سے ہوئی جموں کشمیر میں شہری ہلاکتوں پر افسوس کا اظہار کرتے ہوئے لیفٹنٹ گورنر منوج سنہا نے کہا کہ جو بھی شہری ہلاکتوںمیں ملوث ہونگے ان کو بخشا نہیںجائے گا اور ان کو اس کا حساب دینا ہوگا ۔ انہوںنے کہا کہ اقلیتوں پر حملہ کرنے والے جموں و کشمیر میں امن کی صورتحال سے خوش نہیں ہے اور ان کا مقصدجموں و کشمیر میں امن کی صورتحال کو بگاڑنے کا ہوتا ہے ۔ منوج سنہا نے کہا کہ میں واٰضح کردینا چاہتا ہوں کہ جموں کشمیرکے صدیوں پرانے بھائی چارے کو نقصان پہنچانے کی کسی کو اجازت نہیںدی جائے گی اور جو بھی ملوث پایا جائے گا اس کے خلاف سختی سے نمٹا جائے گا ۔ پاکستان پرنشانہ سادھتے ہوئے انہوں نے کہا کہ ہمسایہ ملک نے ہمیشہ یہ کوشش کی ہے کہ جموں و کشمیر میں کس طرح سے امن کی صورتحال کو بگاڑ ا جا سکے اور یہاں جاری تعمیر اتی سرگرمیوں میں کس طرح سے خلل ڈال دیا جائے ۔ انہوں نے کہا کہ انہیں یہ بات پتہ ہونی چاہئے کہ بھارت کسی بھی کوشش کا بھر پور انداز میںجواب دینے کا اہل ہے اور جوکوئی بھی جموں کشمیر میں امن کا ماحول خراب کرنے کی کوشش کر یں گا ان کا ان کی بولی میںجواب دیا جائے گا۔
