( سرینگر) جموں و کشمیر پولیس اور سی آر پی ایف نے سرینگر کے ان علاقوں جہاں اقلیتی طبقے کے لوگ رہائش پذیر ہیں، کی فضائی نگرانی کے لئے ایک ڈرون کو تیار کیا ہے۔ اس ڈرون کی جمعے (22 اکتوبر) کے روز یہاں لالچوک میں واقع پرتاب پارک میں آزمائش بھی کی گئی۔ اس موقع پر سی آر پی ایف کے ڈپٹی ڈائریکٹر آپریشنز میتھیو اے جان نے نامہ نگاروں کے ساتھ بات کرتے ہوئے کہا کہ جو سرینگر میں حالیہ واقعات ہوئے ان کی بنیاد پر جموں وکشمیر پولیس اور سی آر پی ایف نے مل کر اس ڈرون بنایا ہے۔
