سری نگر// جموں وکشمیر کے لیفٹیننٹ گورنر منوج سنہا نے راجوری میں سیکورٹی فورسز پر ہونے والے فدائین حملے کی سخت الفاظ مذمت کرتے ہوئے کہا ہے کہ جنگجوؤں اور ان کے حامیوں کے ساتھ سختی سے نمٹا جائے گا۔
انہوں نے اپنے ایک ٹویٹ میں کہا: ’راجوری میں ہوئے دہشت گردانہ حملے کی سخت مذمت کرتا ہوں اور عظیم قربانیاں پیش کرنے والے بہادر جوانوں کو خراج اور پسماندگان کی خدمت میں تسلیت پیش کرتا ہوں‘۔
ان کا ٹویٹ میں مزید کہنا تھا: ’ہم دہشت گردوں اور ان کے حامیوں کے مکروہ منصوبوں کے ساتھ بھر پور طریقے سے نمٹیں گے‘۔
قابل ذکر ہے کہ جموں وکشمیر کے ضلع راجوری کے پرگرال درہال فوجی کیمپ پر جمعرات اعلیٰ الصبح جنگجووں نے فدائین حملہ کیا جس کے نتیجے میں 3 فوجی جوان اور دو ملی ٹینٹ از جان ہوئے جبکہ ایک میجر سمیت مزید دو اہلکار شدید طورپر زخمی ہوئے۔
