سرینگر ///تھجیوارہ اچھہ بل میں جموں وکشمیر پیپلز کانفرنس ورکرز کنونشن کا انعقادکیا گیا جس میں پی سی لیڈران نے پارٹی کنونشن کے دوران خطاب کرتے ہوئے دعویٰ کیا کہ پیپلز کانفرنس جموں و کشمیر کی واحد ایسی جماعت ہے جس کے پاس جموں و کشمیر کی خوشحالی، امن اور ترقی کا روڈ میپ ہے۔جموں و کشمیر کے ضلع اننت ناگ کے تھجیوارہ، اچھہ بل شانگس میں پیپلز کانفرنس کی جانب سے یک روزہ ورکرز کنونشن کا انعقاد عمل میں لایا گیا۔ ورکرز کنونشن میں پیپلز کانفرنس کے سینئر لیڈران سمیت سیکڑوں کارکنان نے شرکت کی۔ کنونشن کے دوران سابق وزیر سید بشارت بخاری، راجا اعجاز علی، پیرزادہ منصور احمد سمیت متعدد رہنماو ¿ں نے کارکنان سے خطاب کیا۔ تھجیوارہ اچھہ بل اننت ناگ میں پیپلز کانفرنس ورکرز کنونشن کا انعقاد پی سی لیڈران نے خطاب کرتے ہوئے دعویٰ کیا کہ ’ پیپلز کانفرنس جموں و کشمیر کی واحد ایسی جماعت ہے جس کے پاس جموں و کشمیر کی خوشحالی، امن اور ترقی کا روڈ میپ ہے۔‘ لیڈران نے کارکنان سے پارٹی کو بنیادی سطح پر مضبوط بنانے اور ا?ئندہ اسمبلی الیکشن کے لیے تیار رہنے پر زور دیا۔ لیڈران نے دعویٰ کیا کہ ”اس وقت جموں و کشمیر میں بی جے پی کے مد مقابل اگر کئی جماعت ہے تو وہ صرف پی سی ہے۔“میڈیا نمائندوں کے ساتھ بات کرتے ہوئے سابق ایم ایل اے شانگس، پیرزادہ منصور احمد نے کہا کہ پیپلز کانفرنس ہمیشہ عوام کی خدمت کے لیے کوشاں رہی اور ا?ئندہ بھی جموں و کشمیر کے لوگوں کی بلا لحاظ مسلک و مشرب خدمت کے لیے کوشاں ہے۔ انہوں نے کہا کہ ریاست میں جب بھی انتخابات کا بگل بجے گا پیپلز کانفرنس ا ±س کے لیے پوری طرح سے تیار ہے۔سابق اسمبلی ممبراور پیپلز کانفرنس کے سینئر لیڈر سید بشارت بخاری نے جموں و کشمیر کے غیور عوام سے اپیل کی ہے کہ وہ پیپلز کانفرنس پر بھر پور اعتمادکے ساتھ ان کے شانہ بشانہ کشمیر کے سیاسی و اقتصادی کینواس پر نئے اور خوبصورت رنگ بھر نے میں بھر پور ساتھ دیں اور یہ کہ اسے سیاسی طور پر قوی و مضبوط بنائیں تاکہ وہ مستقبل کے ناقابل تسخیر چیلنجوں کا ڈٹ کر مقابلہ کر سکے۔ان خیالات کا اظہار سید بشارت بخاری نے تھجیوارہ اچھبل میں سینئر کارکنوں کے ایک پ ±ر وقار اجتماع سے خطاب کرتے ہوئے کیا۔
