رانچی میں کشمیری نوجوانوں کے ساتھ ایک بار پھر مارپیٹ کا واقعہ

(رانچی) ریاست جھارکھنڈ کی دارالحکومت رانچی میں کشمیری نوجوانوں کے ساتھ مارپیٹ کرنے کا معاملہ سامنے آیا ہے۔ پولیس نے اس معاملے میں تین نوجوان کو حراست میں لیا ہے۔ اطلاعات کے مطابق ڈورنڈا تھانہ علاقے میں ایک بار پھر کچھ کمشیری نوجوانوں کے ساتھ مقامی نوجوانوں نے مارپیٹ کی ہے۔ خیال رہے کشمیری نوجوان گرم کپڑوں مع شال وغیرہ کا کاروبار کرتے ہیں، مارپیٹ کے ساتھ جلد سے جلد شہر چھوڑ دینے کی دھمکی بھی دی گئی ہے۔ بتایا گیا ہے کہ اس ضمن میں پولیس نے فی الحال کارروائی کرتے ہوئے کچھ لوگوں کو حراست میں لیا ہے۔ کشمیری نوجوان کے ساتھ ہوئی مارپیٹ کی خبر پورے رانچی میں آگ کی طرح پھیل گئی، جس کے بعد انجمن اسلامیہ سمیت دیگر تنظیموں کے لوگ تھانہ پہنچ کر احتجاج کیا اور کو قصورواروں کے خلاف سخت کاروائی کی مانگ کی۔احتجاج کر رہے لوگ اس بات سے ناراض تھے کشمیری نوجوانوں پر لگاتار حملے کیے جا رہے ہیں جبکہ وہ صرف گرم کپڑے فروخت کرنے رانچی آتے ہیں۔ لوگوں کے مطابق کشمیری نوجوانوں کے ساتھ مارپیٹ کر رانچی کے ماحول کو خراب کرنے کی کوشش کی جارہی ہے۔ یاد رہے اس سے قبل بھی مذکورہ تھانہ علاقے میں نومبر ماہ کے ابتداء میں چار کشمیری نوجوانوں کے ساتھ مارپیٹ کر زبردستی پاکستان مردہ آباد کے نعرے لگوائے گئے تھے.