(رام بن) جموں سرینگر قومی شاہراہ پانچویں روز بھی ٹریفک کی نقل وحرکت کیلئے جزوی طور سے بند رہا۔ ضلع رامبن کے پنتھیال میں گزشتہ شام بھی تودےگرنے سے شاہراہ بند رہی، وہیں آج صبح مہاڑ میں مٹی کے تودے گرنے سے شاہراہ پر ٹریفک کی نقل و حرکت متاثر رہی۔ تاہم بعد دوپہر کو شاہراہ یک طرفہ ٹریفک کیلئے بحال کردیا گیا اور درماندہ گاڑیوں کو اپنی منزلوں کی جانب روانہ کیا گیا۔ شاہراہ پر آج سرینگر سے جموں کی جانب ٹریفک کو چلنے کی اجازت تھی۔ شاہراہ پر بڑی تعداد میں مسافر گاڑیاں گزشتہ پانچ دنوں سے درماندہ رہنے سے مسافروں کو سخت پریشانیوں کا سامنا کرنا پڑا ہے۔ ٹریفک انٹطامیہ نے عوام سے اپیل کیا ہے کہ شاہراہ کی صورتحال اور ٹریفک ایڈوائزری کے مطابق اپنے سفر پلان کریں۔
