(نئی دہلی) مرکزی وزیر خزانہ نرملا صیتا رمن آج پارلیمنٹ میں مالی سال 2022-23 کے لیے مرکزی بجٹ 2022 پیش کریں گی۔ یہ بجٹ ایک ایسے وقت میں آئے گا جب ہندوستانی معیشت کووڈ وبا سے پیدا ہونے والے مسائل سے نکلنے کے لیے بھرپور کوشش کر رہا ہے۔ آج صبح 11 بجے پیش کیا جانے والا بجٹ گزشتہ سال کی طرح پیپر لیس ہوگا۔ توقع ہے کہ حکومت اس عام بجٹ میں جی ڈی پی کی نمو کو بڑھانے اور بنیادی ڈھانچے کو مضبوط بنانے کے اقدامات کا اعلان کریں گی۔ اس بار انکم ٹیکس کی تجاویز میں تبدیلیاں متوقع ہیں کیونکہ 2014 سے انکم ٹیکس سلیب میں کوئی تبدیلی نہیں ہوئی ہے۔ بعض تجزیہ کاروں کا خیال ہے کہ وزیر خزانہ ٹیکس دہندگان کے لیے راحت کا اعلان کر سکتی ہیں۔توقع ہے کہ حکومت ہیلتھ کئیر شعبہ پر بھی خاص توجہ مرکوز کرے گی، کیونکہ کووڈ 19 وبائی مرض کے خلاف جاری جنگ میں یہ شعبہ اہم کردار ادا کر رہا ہے۔ ریلوے بجٹ بھی مرکزی بجٹ میں پیش کیا جائے گا۔ سنہ 2017 میں ریلوے بجٹ کو مرکزی بجٹ میں شامل کیے جانے کے بعد یہ چھٹا مشترکہ بجٹ ہوگا۔ اس سال بھارتی ریلوے کو مختص کیے جانے والے بجٹ میں نمایاں اضافہ دیکھنے کی امید ہے۔ سیمی ہائی سپیڈ ٹرینوں کو متعارف کرنے سے لے کر ریل نیٹورک کے بجلی کاری تک آئندہ برسوں میں قومی ٹرانسپورٹر کو بڑے پیمانے پر فروغ ملنے کاامکان ہے.
