سرینگر/23 مئی/// غیر قانونی طور پر چلائے جارہے ویب نیوز پورٹلز کا سخت نوٹس لیتے ہوئے جموں وکشمیر کے رام بن ضلع انتظامیہ رام بن نے پولیس کو جعلی میڈیا گروپوں اور جعلی صحافیوں کی نشاندہی کرنے کو کہا ہے۔
ضلع مجسٹریٹ رام بن مسرت اسلام نے ضلع میں غیر قانونی طور پر چلائے جارہے ویب نیوز پورٹل ، فیس بک نیوز چینلوں اور جعلی صحافیوں کے خلاف کارروائی عمل میں لانے کی خاطر ایس ایس پی رام بن کو ایک خط تحریر کیا ہے۔
ضلع مجسٹریٹ نے ایس ایس پی رام بن موہت شرما کے نام خط میں لکھا کہ فیس بک اور دوسری سماجی رابط سائٹوں خاص کر فیس بک پر غیر تسلیم شدہ فیس بک نیوز پیج چلائے جارہے ہیں جو جعلی خبروں کے ذریعے سرکاری آفیسران کو بلیک میل کررہے ہیں۔
