امت نیوز ڈیسک // شمالی کشمیر کے ضلع بارہمولہ کے کریری علاقے میں نازی بھٹ کراسنگ پر سکیورٹی فورسز اور عسکریت پسندوں کے درمیان ہوئے انکاؤنٹر تین عسکریت پسند اور ایک پولیس اہلکار ہلاک ہوئے ہیں۔ آئی جی پی کشمیر وجے کمار کے مطابق ہلاک کیے گئے عسکریت پسند کا تعلق پاکستان سے ہے۔
پولیس اور سیکورٹی فورسز کی ایک مشترکہ ٹیم نے علاقے کو گھیرے میں لے لیا اور عسکریت پسندوں کی موجودگی سے متعلق اطلاع کی بنیاد پر سرچ آپریشن شروع کیا، جس کے بعد تصادم ہوا۔ سیکیورٹی فورسز جب عسکریت پسندوں کے چھپے ہوئے مقام پر پہنچی تو عسکریت پسندوں کی جانب سے فائرنگ کی گئی، جس کے بعد تصادم شروع ہوا۔ جوابی کارروائی میں تین عسکریت پسند ہلاک ہوئے۔بارہمولہ تصادم میں تین عسکریت پسند اور ایک پولیس اہلکار ہلاکبارہمولہ تصادم میں تین عسکریت پسند اور ایک پولیس اہلکار ہلاکانسپکٹر جنرل آف پولیس کشمیر زون وجے کمار نے ٹویٹ کیا، ’’تین پاکستانی عسکریت پسند مارے گئے۔ اس تصادم میں جموں و کشمیر پولیس کا ایک اہلکار ہلاک ہو گیا ہے۔ وہیں اسلحہ اور گولہ بارود برآمد ہواہے۔
