گجرات: بارڈر سیکیورٹی فورس (بی ایس ایف) نے جمعرات کی صبح کچھ کے قریب بھارت-پاکستان سمندری سرحد کے ساتھ چار پاکستانی ماہی گیروں کو گرفتار کیا اور 10 پاکستانی کشتیوں کو ضبط کرلیا۔ ایک بیان میں، بی ایس ایف نے بتایا کہ بی ایس ایف بھج کی ایک خصوصی گھات لگانے والی پارٹی نے چار پاکستانی ماہی گیروں کو گرفتار کیا اور 10 پاکستانی ماہی گیری کشتیاں ضبط کیں جب وہ گجرات کے کچھ ضلع میں سرحد کے قریب حرامی نالہ کے پانی کے نالے میں سے ایک کے ذریعے بھارتی علاقے میں گھس رہے تھیں۔
بی ایس ایف کی اسپیشل ایمبش پارٹی نے بارڈر پوسٹ نمبر 1165 اور 1166 کے درمیان نقل و حرکت کا مشاہدہ کیا اور علاقے کو گھیرے میں لے لیا۔ بیان میں کہا گیا کہ علاقے کی تلاش جاری ہے۔ کشتیوں کو ضبظ کرنے کے بعد بی ایس ایف کی گشتی ٹیموں نے یہ جاننے کے لیے بڑے پیمانے پر تلاشی مہم شروع کی کہ آیا پڑوسی ملک سے ایسی کوئی اور کشتیاں بھارت پانیوں میں داخل ہوئی ہیں۔ بیان کے مطابق”ماہی گیری کی کشتیوں سے کوئی بھی مشکوک چیز برآمد نہیں ہوئی۔” اس میں لکھا گیا ہے، "بی ایس ایف ہمیشہ نادانستہ سرحد عبور کرنے والوں سے نمٹنے کے دوران ایک انسانی رویہ اپناتا ہے۔”
واضح رہے کہ پنجاب کے فیروز پور میں دو جلائی 2022 کی رات کو ایک تین سالہ پاکستانی بچہ غلطی سے بین الاقوامی سرحد عبور کر کے بھارت میں داخل ہو گیا۔ بچے کی عمر تقریباً 3 سال بتائی جاتی ہے۔ اطلاعات کے مطابق ایک تین سالہ پاکستانی لڑکا، جو غلطی سے پنجاب میں بین الاقوامی سرحد (IB) پر پہنچ گیا تھا، کو بی ایس ایف نے اس کے اہل خانہ کے حوالے کر دیا ہے۔ یہ واقعہ جمعہ کی شام 7 بجے کے قریب فیروز پور سیکٹر میں اس وقت پیش آیا جب بارڈر سیکیورٹی فورس کے دستوں نے ایک بچے کو دیکھا جو آئی بی کی باڑ کے قریب کھڑا رو رہا تھا۔ ڈیوٹی پر موجود چوکس بارڈر گارڈز نے بچے کی نقل و حرکت دیکھ کر اسے آگے آنے دیا۔ لڑکا آگے آیا تو ڈیوٹی پر موجود گارڈز نے اسے اٹھایا اور حفاظت سے لے گئے۔
بچہ اپنا نام یا پتہ بتانے کے لیے بہت چھوٹا تھا، وہ رو رہا تھا اور صرف”پابا پاپا ” پکار رہا تھا اور وہ بہت خوفزدہ تھا۔جس کے بعد بی ایس ایف کے فیلڈ کمانڈر نے پاکستانی رینجرز کے ساتھ فوری فلیگ میٹنگ طلب کی تاکہ اسے واپس حوالے کیا جا سکے۔ سرحدی محافظوں نے اس کے کھانے پینے کا انتظام کیا۔ وہاں، بغیر کسی تاخیر کے، بھارتی فوجیوں نے پاکستانی رینجر سے رابطہ قائم کیا اور الگ ہونے والے بچے کو اس کے خاندان سے ملایا۔
