(سرینگر) نیشنل کانفرنس کے سینئر رہنما اور سابق کابینہ وزیر چودھری محمد رمضان نے 1931 کے شہداء کو خراج عقیدت پیش کیا۔ چودھری رمضان نے 13 جولائی کے شہداء کی قربانیوں کو جموں و کشمیر کی تاریخ کا سنہری باب قرار دیا۔ انہوں نے کہا کہ 1931 میں بہادروں نے جموں و کشمیر میں جمہوریت، مساوات اور آزادی کی مضبوط عمارت قائم کرنے کے لیے اپنی جانیں قربان کی تھیں جس کی ہر شہری کو حفاظت، احترام اور تحفظ کرنا چاہیے۔ ان ہیروز کو خراج عقیدت پیش کرنے کا بہترین طریقہ یہ ہے کہ جموں و کشمیر کو رواداری کے طور پر ترقی دی جائے۔ معاشرہ، مذہب، علاقہ، ذات پات یا نسل کی تفریق سے پاک ہو۔
چودھری محمد رمضان نے کہا کہ ‘1931 کے ہیروز نے ایک جمہوری، خوشحال اور روادار جموں و کشمیر کے لیے جنگ لڑی تھی جس کے لیے انہوں نے اپنی جانیں بھی نچھاور کیں۔ اب یہ ہماری ذمہ داری اور چیلنج ہے کہ ہم ان نظریات کو مضبوط کر کے اور ان کی مضبوطی سے حفاظت کرتے ہوئے ریاست کو صحیح معنوں میں ماڈل بنائیں۔ یہ شہداء چار الگ الگ اضلاع میں مدفون ہیں۔ سرینگر ۔انت ناگ ۔سوپور اور ہندوارہ۔ اور ہر سال کی طرح امسال بھی نیشنل کانفرنس ان شہداء کو خراج عقیدت پیش کرتی ہے اور انہیں یاد کرنے کے لئے پارٹی کے تمام کارکنان اور رہنما ان قبرستانوں پر جاکر ایک دعائیہ مجلس منعقد کرتے ہیں اور ان شہیدوں کی قربانیوں کو یاد کیا جاتا ہے اور ان کی اس قربانی کو این سی کبھی فراموش نہیں ہونے دے گی۔
