بڈگام: وسطی کشمیر کے ضلع بڈگام میں پولیس نے منشیات کی بدعت کو معاشرے سے ختم کرنے اور اس میں ملوث افراد کے خلاف قانونی جنگ جاری رکھتے ہوئے دو منشیات فروشوں کو گرفتار کیا ہے اور ان کے قبضے سے ممنوعہ مادہ برآمد کیا ہے۔
پولیس اسٹیشن بیروہ کی نفری نے تحصیل دفتر کے نزدیک واقع چیکنگ پوائنٹ پر معمول کے مطابق چیکنگ کر رہے تھے، چیکیگ کے دوران ایک تویرہ گاڑی جو بیروہ سے ماگام کی جانب جارہی تھی کو روکا اور اس گاڑی کی تلاشی کرنے پر بھنگ جیسی اشیاء (چرس) پولیس نے برآمد کی۔
منشیات کی نقل و حمل کے لیے استعمال ہونے والی گاڑی کو موقع پر ہی سیز کر دیا گیا اور ساتھ ہی اس گاڑی کے ڈرائیور سمیت 02 افراد کو گرفتار کیا گیا ہے۔ پولیس نے ان مزکورہ منشیات فروشوں کی شناخت فردوس مشتاق احمد ڈار ولد حبیب اللہ ڈار ساکن گوندی پورہ بیروہ اور کلیم اللہ بٹ ولد فاروق احمد بٹ ساکن ژارنگام بیروہ کے طور پر بتائی ہے۔
اس ضمن میں پولیس اسٹیشن بیروہ میں ایک ایف آئی آر درج کیا گیا جو کہ این ڑی پی ایس ایکٹ کے تحت رجسٹر ہوا ہے اور مزید تحقیقات شروع کردی گئی ہے۔
