امت نیوز ڈیسک //
یتی نرسمہانند سرسوتی کا ایک ویڈیو وائرل ہو رہا ہے۔ ویڈیو میں نرسمہانند سرسوتی کہہ رہے ہیں کہ اس وقت ترنگے کے نام پر بہت بڑی مہم چل رہی ہے۔ حکمران جماعت یہ مہم چلا رہی ہے۔
اپنے متنازعہ بیانوں کے لئے مشہور اور انہی بیانوں کے سبب جیل کی سزا کاٹ چکے ریاست اتر پردیش کے ضلع غازی آباد کے داسنا دیوی مندر کے مہنت یتی نرسمہانند سرسوتی نے ایک بار پھر متنازعہ بیان دیا ہے۔ انہوں نے کہا ہے کہ جو ترنگا مہم چل رہی ہے اس کا بائیکاٹ کیا جائے۔
ان کے اس متنازعہ بیان کے بعد انتظامیہ نے متنازعہ ویڈیو کا نوٹس لیا ہے،یتی نرسمہانند سرسوتی کا ایک ویڈیو وائرل ہو رہا ہے،اس ویڈیو میں نرسمہانند سرسوتی کہہ رہے ہیں کہ اس وقت ترنگے کے نام پر بہت بڑی مہم چل رہی ہے۔ حکمران جماعت یہ مہم چلا رہی ہے۔یتی نرسما نند کے بیان کے مطابق ترنگے کا سب سے بڑا آرڈر بنگال کی ایک کمپنی کو دیا گیا ہے، جو صلاح الدین کی ملکیت ہے۔ انہوں نے کہا کہ اس مہم (ہر گھر ترنگا ابھیان) کا بائیکاٹ کیا جانا چاہیے۔ انہوں نے کہا کہ اگر آپ اپنے گھر میں ترنگا لگانا چاہتے ہیں تو پرانا ترنگا لگائیں، لیکن صلاح الدین کو ایک پیسہ بھی نہ دیں، اور لیڈروں کو سبق سکھائیں۔
مسلم تنظیم نے 75 ہزارترنگا تقسیم کرنے کا فیصلہ کیاتاہم صلاح الدین کی کمپنی میں قومی پرچم سازی کے تعلق سے وہ کوئی ثبوت پیش کرنے سے قاصر رہے۔ انتظامیہ نے معاملے کا نوٹس لے لیا ہے۔ای ٹی وی بھارت وائرل ویڈیو کے درست ہونے کی تصدیق نہیں کرتا ہے۔
