سرینگر//بھارتی ریزرو بینک نے مالی اداروں سے کہا ہے کہ قرض کی وصولی سے متعلق ایجنٹوں کو قرض وصول کرنے کے سلسلے میں کسی بھی قرض دار کو زبانی یا جسمانی طور پر ہراساں یا خوفزدہ نہیں کرنا چاہئے۔ ریزیور بینک آف انڈیا نے مزید صلاح دی ہے کہ قرض کی وصولی کرنے والے ایجنٹوں کو قرض دار کے اہلِ خانہ، ضمانتی اور دوستوں کی ذاتیات میں دخل اندازی یا انہیں کھلے عام بے عزت نہیں کیا جانا چاہئے۔ آر بی آئی بھارتی ریزرو بینک نے ملک کے تمام نجی وسرکاری بینکوں پر زور دیا ہے کہ وہ قرضہ داروں کو کسی بھی طرح ہراساں کرنے کی کارروائیاں ترک کریں ۔ RBI نے پایا ہے کہ مالی اداروں کے قرض کی حصولی کے ایجنٹ وقتاً فوقتاً انہیں جاری کی گئی ہدایات سے انحراف کرہے ہیں۔ ان ایجنٹوں کے طور طریقوں سے پیدا ہوئی صورتحال پر تشویش کے تناظر میں RBI نے ان ایجنٹوں سے کہا ہے کہ وہ قرض داروں کو صبح 8 بجے سے پہلے اور شام 7 بجے کے بعد فون نہ کریں۔RBI نے وصولی ایجنٹوں سے موبائل یا سوشل میڈیا کے ذریعے قرض داروں نامناسب Massages بھیجنے یا دھمکی آمیز یا بے نام یا بار بار کال کرنے سے باز رہنے کے لیے کہا ہے۔ ان ہدایات کا اطلاق علاقائی بینکوں، کمرشیل بینکوں، کو-آپریٹیو بینکوں، Non Banking مالی کمپنیوں اور ک ±ل بھارتیہ مالی اداروں پر ہوگا۔RBI نے خبردار کیا ہے کہ وصولی ایجنٹوں کے ذریعے ان ہدایات کی خلاف ورزی کو سنجیدگی سے لیا جائے گا نیز اس نے واضح کیا ہے کہ البتہ یہ رہنما خطوط تین لاکھ روپے سالانہ آمدنی والے کنبے کو مائکرو Finance یا کسی ضمانت کے بغیر قرض پر لاگو نہیں ہوگا
