کچھ شر پسند عناصر بہتر حالات اور تبدیلی سے خوش نہیں ،امن بگارنے کی تاک میں / دلباغ سنگھ

سرینگر /// جنوبی ضلع شوپیان میں کشمیری پنڈت کی ہلاکت میںملوث ملی ٹنٹوں کی شناخت کر لی گئی ہے کا دعویٰ کرتے ہوئے جموں کشمیر پولیس سربراہ دلباغ سنگھ نے کہا کہ کچھ شر پسند عناصر بہتر حالات اور تبدیلی سے خوش نہیں ہے اور وہ امن بگارنے کی تاک میں رہتے ہیں تاہم ان کی کسی بھی کوشش کو کامیاب نہیں ہونے دیا جائے گا ۔ گذشتہ روز پہلگام واقعے میں ہلاک ہونے والے آئی ٹی بی پی کے جوانوں کی تعزیت کی تقریب کے موقع پر نامہ نگاروں سے بات کرتے ہوئے جموں کشمیر پولیس سربراہ دلباغ سنگھ نے کہا کہ لوگوں نے زمینی سطح پر مثبت تبدیلیوں کی حمایت کی ہے، جو امن دشمن عناصر کو راس نہیں آ رہا ہے۔ امن کو خراب کرنے کی کوشش کر رہے ہیں۔ا ±ن کا کہنا تھا کہ جس طرح لوگوں نے مثبت اقدام کی حمایت کی۔ پانچ اور 15 اگست کی تقریبات کا پرامن انعقاد قابل تعریف تھا اور لوگوں نے ہر ممکن طریقے سے امراناتھ یاترا کی حمایت کی، جو امن مخالف عناصر کے لیے موزوں نہیں تھی۔ وہ امن میں خلل ڈالنے کی کوشش کرتے ہیں لیکن ان کی کوششیں ناکام ہوتی رہی ہیں اور آئندہ بھی ناکام بنائی جائیں گی۔شوپیاں ہلاکت کے بارے میں انہوں نے کہا کہ اس واقعے میں ملوث دو افراد کی شناخت کر لی گئی ہے جب کہ مزید جانچ شروع جاری ہے اور سخت کارروائی کی جائے گی۔ انہوں نے گذشتہ روز پہلگام سڑک حادثہ میں اپنی جانیں گنوانے والے آئی ٹی بی پی جوانوں کو بھی خراج عقیدت پیش کیا اور کہا کہ زخمیوں کے علاج پر خاص توجہ دی جا رہی ہے اور اگر ضرورت پڑی تو زخمیوں کو مزید علاج کے لیے دہلی کے اسپتال لے جایا جائےگا ۔