امت نیوز ڈیسک//
پلوامہ:جموں و کشمیر کے پلوامہ میں نامعلوم عسکریت پسندوں نے غیر مقامی مزدوروں پر فائرنگ کی۔ اس حملہ میں دو غیر مقامی مزدوروں کے زخمی ہونے کی اطلاع ہے۔ غیر مقامی مزدوروں کی شناخت شمشاد ولد اسلام شیخ اور فیضان کساری ولد فیاض قادری، ساکنہ بہار کے طور پر ہوئی ہے۔
پلوامہ میں غیر مقامی مزدوروں پر فائرنگ کا یہ واقعہ پلوامہ کے کھربٹ پورہ رتنی پورہ گاؤں میں پیش آیا ہے۔ وہیں مقامی لوگوں نے زخمی مزدوروں کو سرینگر ہسپتال میں داخل کرایا گیا ہے۔ بتایا جا رہا ہے کہ دونوں مزدوروں میں سے ایک کو چھاتی پر گولی لگی ہے۔ زخمیوں کی حالت مستحکم بتائی جا رہی ہے۔ وہیں دوسری جانب حملے کے فوراً بعد فوج اور پولیس نے علاقے کو محاصرے میں لے کر تلاشی کارروائی شروع کی ہے تاکہ حملہ وروں کو ڈھونڈا جا سکے۔
