امت نیوز ڈیسک //
واشنگٹن: بین الاقوامی ایکسچینج مارکیٹ میں روپے کی پوزیشن کا دفاع کرتے ہوئے وزیر خزانہ سیتا رمن نے کہا کہ بھارتی کرنسی نے ڈالر کے مقابلے دیگر ابھرتی ہوئی مارکیٹ کی کرنسیوں کو پیچھے چھوڑ دیا ہے۔
آج یہاں نامہ نگاروں سے بات کرتے ہوئے محترمہ سیتامارن نے کہا کہ ‘سب سے پہلے مجھے موجودہ صورتحال کے بارے میں یہ کہنا ہے کہ یہ روپے کی قدر میں کمی نہیں بلکہ ڈالر کی مضبوطی کا معاملہ ہے۔’
انہوں نے کہا کہ ڈالر مضبوط ہو رہا ہے اور مضبوط ہوتے ڈالر کے سامنے روپیہ مضبوطی سے کھڑا ہے۔ ڈالر کو مضبوط کرنے کا چیلنج فارن ایکسچینج مارکیٹ میں دیگر تمام کرنسیوں کو درپیش ہے۔‘‘
انہوں نے کہاکہ ‘بھارتی روپیہ دیگر تمام ابھرتی ہوئی مارکیٹوں کے مقابلے میں بہت اچھی کارکردگی کا مظاہرہ کر رہا ہے۔” انہوں نے کہا کہ جہاں تک فارن ایکسچینج مارکیٹ میں ریزرو بینک آف انڈیا کے کردار کا تعلق ہے، وہ اس بات کا خیال رکھے ہوئے ہے کہ مارکیٹ میں بہت زیادہ اتار چڑھاؤ نہ ہو۔ انہوں نے کہا کہ اتار چڑھاؤ کو کنٹرول کرنا صرف ریزرو بینک آف انڈیا کے کردار میں ہے۔
وزیر خزانہ نے کہا کہ ریزرو بینک کا ایسا کوئی ہدف نہیں ہے کہ روپیہ کہاں ہونا چاہیے۔ انہوں نے کہا کہ بھارتی روپیہ اپنی جگہ خود تلاش کر لے گا۔ واضح رہے کہ محترمہ سیتا رمن اس وقت بین الاقوامی مالیاتی فنڈ اور عالمی بینک کی میٹنگوں کے سلسلے میں امریکہ کے دورے پر ہیں۔
