امت نیوز ڈیسک //
سرینگر:جموں و کشمیر کے دارالحکومت سرینگر میں پیر کی صبح سرینگر۔بارہمولہ شاہراہ پر پارمپورہ کے علاقے میں ایک آئی ای ڈی برآمد کیا گیا۔ سکیورٹی فورسز اور پولیس نے اطلاع ملتے ہی بروقت کارروائی عمل میں لاکر آئی ای ڈی کو برآمد کر کے ناکارہ بنا دیا اور ایسے میں ایک بڑا حادثہ رونما ہونے سے پہلے ہی ٹال دیا گیا۔
خبر کے مطابق فوج کی 2 راشٹریہ رائفلز کے اہکاروں نے بارہمولہ سرینگر شاہراہ پر انصاری ٹیوٹا کے قریب دھماکہ خیز شے کا پتہ لگایا جس کے بعد بم ڈسپوزل اسکواڈ کو موقع پر طلب کیا گیا اور بم اسکواڈ نے کنٹرولڈ میکانزم کے ذریعے دھماکہ خیز مواد کو تباہ کردیا گیا۔ اس حوالے سے کیس درج کر کے مزید تحقیقات شروع کر دی گئی ہیں۔
