امت نیوز ڈیسک //
شمالی کشمیر کے کپواڑہ ضلع کے سد پورہ ٹنگڈار علاقے میں بدھ کے روز سیکورٹی فورسز کے ذریعہ دراندازی کی کوشش کو ناکام بناتے ہوئے ایک جنگجو مارا گیا۔
ایک اعلیٰ پولیس افسر نے بتایا کہ پولیس اور 3/8 گورکھا رائفلز کی مشترکہ ٹیم نے ٹنگڈار کے سدپورہ علاقے میں دراندازی کی کوشش کو ناکام بنایا۔ افسر نے مزید کہا کہ اب تک ایک نامعلوم عسکریت پسند گولی باری میں مارا گیا ہے۔ جبکہ علاقے میں آپریشن جاری ہے۔ مزید تفصیلات کا انتظار ہے ۔(جی این ایس)
