امت نیوز ڈیسک //
پلوامہ: ڈاکٹر ہلال احمد مکرو – جو محکمہ فوڈ ٹیکنالوجی، اسلامک یونیورسٹی آف سائنس اینڈ ٹیکنالوجی، اونتی پورہ کے اسسٹنٹ پروفیسر ہیں کو – سماجی، اقتصادی اور پائیدار ترقی کے اہداف کے عنوان کے تحت حکومت ہند کے محکمہ سائنس اینڈ ٹکنالوجی کی جانب سے ’’نوجوان سائنسدان‘‘ کا خطاب دیا گیا ہے۔ ڈاکٹر ہلال احمد مکرو اور انکی ٹیم #YoungScientistandTechnologistAward (2021) ایوارڈ اور پروجیکٹ گرانٹ کے تحت ’’اوہمک ہیٹنگ پر مبنی ناول ایسپٹک اور شیلف لائف بڑھانے کے لیے چکنائی دار غذائیت کے مواد کی مسلسل پروسیسنگ‘‘ پر کام کریں گے۔
ڈاکٹر مکرو پروسیسنگ کے نئے آلات اور محدود روایتی پروسیسنگ سے نمٹنے کے لیے ایک لائحہ عمل تیار کریں گے۔ اسلامک یونیورسٹی اونتی پورہ کے عملہ اور سماجی حلقوں نے ہلال احمد مکرو کو ایوارڈ ملنے پر مبارک باد پیش کی ہے۔ مکرو سے قبل کشمیری سائنسدان ڈاکٹر الطاف بٹ کو نیشنل اکیڈمی آف سائنسز کا رکن منتخب کیا گیا تھا۔قبل ازیں امریکہ کی سٹینفورڈ یونیورسٹی کی جانب سے مرتب کی گئی سائنس دانوں کی عالمی درجہ بندی فہرست میں جموں و کشمیر کے 40سے زائد سائنسدانوں کو شامل کیا گیا ہے۔
