سرینگر//رواں برس 15اگست کو گوپال پورہ چاڈورہ میں اقلیتی طبقہ پر حملہ کرنے میں ملوث چار ملزمان کے خلاف پولیس نے چارج شیٹ داخل کی ہے ۔ پولیس نے کہا کہ بڈگام پولیس نے آج گوپال پورہ چاڈورہ میں اقلیتوں پر ہونے والے جنگجو واقعہ کے معاملے میں 04 ملزمان (03 بالغ، 01 نابالغ) کے خلاف چارج شیٹ پیش کی، پولیس نے ان کی شناخت الطاف فاروق راتھر ولد فاروق احمد راتھر ساکن دھرمبگ کرالپورہ، سہیل احمد ملک، عبدالحمید ملک ساکن پنجان چاڈورہ، فیضان خورشید پنجابی ولد خورشید احمد سکنہ دھرمبگ کرالپورہ اور ساحل احمد وانی سکنہ دھرمبگ کرالپورہ اور ساحل احمد وانی سکنہ دھرمبگ کرالپورہ کے بطور کی ہے ۔پولیس ترجمان کے مطابق 15 اگست 2022 کو تقریباً 20:15 بجے گوپال پورہ چاڈورہ میں اقلیتی گھر پر ایک گرینیڈ حملہ ہوا جس میں اقلیتی برادری کا ایک رکن کرن کمار ولد انیل کمار ر/او گوپال پورہ چاڈورہ زخمی ہو گیا۔ ہسپتال منتقل کر دیا گیا۔
