امت نیوز ڈیسک //
سرینگر///بی ایس ایف نے پاکستان سے لگنے والی سرحد کے قریب ایک پاکستانی ڈرون کو اُس وقت گرایا جب وہ ہندوستان حدود میں داخل ہوا ۔ رات کی تاریکی میں دیکھتے ہی بی ایس ایف کے اہلکاروں نے اس پر گولیاںچلاکر گرادیا۔ اس دوران وسیع علاقے کو محاصرے میں لیکر تلاشی مہم شروع کردی ۔ بارڈر سیکورٹی فورس (بی ایس ایف) نے پنجاب کے فیروز پور ضلع میں پاکستان سے ہندوستانی علاقے میں داخل ہونے والے ایک ڈرون کو مار گرایا۔فورس نے ایک بیان میں کہا کہ سرحد پر تعینات بی ایس ایف کی 136 بٹالین نے رات تقریباً 11.25 بجے فیروز پور کے گانڈو کلچہ گاو ¿ں کے قریب علاقے میں ایک مشتبہ اڑتی چیز یا ڈرون کے پاکستان سے ہندوستانی علاقے میں داخل ہونے کی آواز سنی۔بی ایس ایف کے دستوں نے دراندازی کو ناکام بنانے کی کوشش میں ڈرون پر فائرنگ کی۔بی ایس ایف جو کہ سنٹرل آرمڈ پولیس فورسز میں سے ایک ہے، جو 3,323 کلومیٹر ہندوستان-پاکستان سرحد کی حفاظت کے لیے مامور ہے۔متعلقہ علاقے میں پہلی روشنی کے بعد تلاشی کے دوران، بی ایس ایف کے دستوں نے پنجاب پولیس کے ساتھ مل کر ایک ہیکسا کاپٹر یا ڈرون برآمد کیا جسے بی ایس ایف کے دستوں کی فائرنگ سے گرایا گیا تھا۔بی ایس ایف نے مزید کہا کہ علاقے کو گھیرے میں لے لیا گیا ہے اور متعلقہ اداروں کے ساتھ پولیس کو مطلع کر دیا گیا ہے۔ علاقے کی مکمل تلاشی جاری ہے۔
