جنوب ایشیائی یونیورسٹیوں میں کشمیر یونیورسٹی 110ویں نمبر پر

امت نیوز ڈیسک //
سری نگر:جنوب ایشیائی یونیورسٹیوں کی فہرست میں کشمیر یونیورسٹی کو 110واں درجہ دیا گیا ہے۔ شائع رینکنگ کیو ایس یونیورسٹی درجہ بندی، تعلیمی شہرت، تحقیقی نیٹ ورک، فی شعبہ مقالات اور پی ایچ ڈی اسٹاف اور دیگر کلیدی پیمانوں کی بنیاد پر عمل میں لائی گئی ہے۔ مجموعی درجہ بندی میں یونیورسٹی 451 سے 5 سو کے درمیان ہے۔ کیو ایس یونیورسٹی درجہ بندی 2023 ایڈیشن میں کشمیر یونیورسٹی کے پی ایچ ڈی کے ساتھ اسٹاف کو مضبوط ترین قرار دیا گیا ہے۔
خبر کے مطابق کیو ایس جنوب ایشیاء درجہ بندی میں کشمیر یونیورسٹی کو 110ویں پائیدان پر ہونا یونیورسٹی کے ملک کی اعلیٰ ترین 100 یونیورسٹیوں میں 53ویں ہونے میں مزید اضافہ کرتا ہے۔ ایسے میں ملک میں وزارت تعلیم کے نیشنل انسٹی ٹیوشنل رینکنگ میں سر فہرست 100 یونیورسٹیوں میں شامل یونیورسٹیاں کیو ایس درجہ بندی میں شامل ہونے کی اہل ہوتی ہیں۔