امت نیوز ڈیسک/
لفٹینٹ گورنر منوج سنہا نے آج یہاں نیشنل انسٹی ٹیوٹ آف ٹیکنالوجی ( این آئی ٹی ) سرینگر کے گیسٹ ہاوس اور کھیلوں کی سہولیات کا افتتاح کیا ۔ این آئی ٹی سرینگر کے اپنے دورے کے دوران لفٹینٹ گورنر نے فیکلٹی ممبران سے بات چیت کی اور سماج پر ٹیکنالوجی کے اثرات اور صنعت کو قیمتی انسانی وسائل فراہم کرنے میں این آئی ٹی جیسے اداروں کے کردار پر روشنی ڈالی ۔ تکنیکی ترقی ، جدت معاشی ترقی اور سماجی بہبود کا ایک لازمی محرک ہے ۔ لفٹینٹ گورنر نے کہا کہ صنعتی ترقی ، توانائی کی حفاظت اور شہری کاری کے مستقبل کے چیلنجوں سے نمٹنے کیلئے ٹیکنالوجی سے چلنے والی جدت اور نئی ٹیکنالوجیز کو مسلسل اپنانے کی ضرورت ہے ۔ لفٹینٹ گورنر نے لوگوں کی زندگیوں کو بہتر بنانے کیلئے نئے آئیڈیاز تلاش کرنے میں قابلِ ستائش کام کرنے کیلئے این آئی ٹی سرینگر کی تعریف کی ۔ انہوں نے مزید کہا کہ این آئی ٹی میں اختراع اور انکیوبیشن کے شعبے میں پہلا تکنیکی اختراعی مرکز ، گرینوویٹر اور ایم ایس ایم ای اسٹارٹ اپ سینٹر بھی قائم کیا گیا ہے ۔ لفٹینٹ گورنر نے مزید کہا کہ یہ اساتذہ اور طلباءکی اجتماعی ذمہ داری ہے کہ وہ خیالات کی طاقت کو بروئے کار لائیں ، ایک ایسے کلچر کو فعال کریں جو اختراع کی حمایت کرے اور صنعت اور اکیڈمیا کے درمیان خلیج کو ختم کرے ۔ اس بات کا مشاہدہ کرتے ہوئے کہ اختراع کی طاقت معاشرے کو پھلنے پھولنے میں مدد دے سکتی ہے ، لفٹینٹ گورنر نے تکنیکی اداروں کو ذمہ داری سونپی کہ وہ معاشرے کی توقعات پر پورا اترنے کیلئے انکیوبیشن اور انوویشن سینٹرز کو دوبارہ ایجاد کرنے کی کوشش کریں ۔
اندرون ملک اختراعی حل زندگی کی آسانی کیلئے سیکورٹی ، تکنیکی اور صحت کی دیکھ بھال جیسے اہم شعبوں میں اہم کردار ادا کرتے ہیں ۔ ہمارے تعلیمی کیمپس کو تجسس کی حوصلہ افزائی اور پرورش کرنی چاہئیے ، طلبہ کو تحقیق کے لئے تحریک دینا چاہئیے اور تجربات کیلئے بااختیار بنانے اور جگہ فراہم کرنی چاہئیے ۔ ملک کے آئی آئی ٹی کے ذریعہ پیٹنٹ کے حصول میں درج کئی گنا اضافہ کا حوالہ دیتے ہوئے لفٹینٹ گورنر نے جدت کو فروغ دینے کیلئے ہر سال پیٹنٹ رجسٹریشن کا ہدف مقرر کرنے پر زور دیا ۔ انہوں نے مزید کہا کہ ہمیں تحقیق کو بڑھانے ، نئی خدمات کیلئے آئیڈیاز اور انسانی صلاحیت میں سرمایہ کاری کیلئے ادارہ جاتی بنیادی ڈھانچہ بنانا چاہئیے ۔ لفٹینٹ گورنر نے این آئی ٹی سرینگر کی فیکلٹی اور انتظامیہ سے کہا کہ وہ این آئی ٹی کو ملک کے ٹاپ 20 اداروں میں شامل کرنے کی ہر ممکن کوشش کریں اور تہذیبی اقدار کو مدِ نظر رکھتے ہوئے اس باوقار ادارے کو ملک کے بہترین اداروں میں سے ایک کے طور پر ترقی دیں ۔ فٹینٹ گورنر نے متعلقہ فیکلٹیز اور ڈائریکٹر این آئی ٹی سرینگر کو بھی روس اور ازبکستان کے ساتھ جاری کپاس کی صنعت اور خلائی ایپلی کیشن پراجیکٹس کیلئے مبارکباد دی ۔ ڈائریکٹر این آئی ٹی ڈاکٹر راکیش سہگل نے اپنے خطاب میں کہا کہ پچھلے تین برسوں میں رینکنگ میں بہتری حکومت کی طرف سے فراہم کردہ تعاون کی وجہ سے ممکن ہوئی ہے۔
