امت نیوز ڈیسک //
جموں و کشمیر پولیس نے جمعرات کو 21 جنوری 2023 کو نروال جموں دھماکے میں ملوث ایک سرکاری ملازم کو گرفتار کرنے کا دعویٰ کیا ہے جو کہ پولیس کے مطابق اندرونی طور جنگجو تنظیم لشکر طیبہ کے ساتھ وابستہ تھا۔
جموں و کشمیر پریس سروس کے موصولہ تفصیلات کے مطابق جموں میں ایک پریس کانفرنس سے خطاب کرتے ہوئے ڈاریکٹر جنرل آف پولیس دلباغ سنگھ نے بتایا کہ گرفتار شخص کے قبضے سے پرفیوم کی شکل میں آئی ای ڈی برآمد کر لی گئی ہے۔
پولیس سربراہ نے گرفتار شخص کی شناخت عارف احمد ساکن ریاسی کے بطور کی، پولیس کے مطابق عارف پاکستان میں مقیم قاسم اور اپنے چچا قمر الدین کے کہنے پر یہاں کام کر رہا تھا (جو ریاسی کے رہائشی کے اب پاکستان میں مقیم ہے)
پولیس کا کہنا ہے کہ عارف تین آئی ای ڈی دھماکے کے واقعات میں ملوث ہے جن میں شاہستری نگر، کٹرا اور 21 جنوری کو ناروال، جموں کا واقعہ شامل ہے
پولیس کا کہنا ہے کہ گرفتار عارف سے اپنی نوعیت کی پہلی آئی ای دی برآمد کرلی گئی یے جو کہ دکھنے میں پرفیوم ہے تاہم اس کے اندر دھماکہ خیز مواد بھرا ہوا ہوتا ہے جو کہ عارف ڈرون کے ذریعے سے پاکستان سے حاصل کرتا تھا۔
انہوں نے مزید بتایا کہ اس سلسلے میں تحقیقات ابھی جاری ہے جبکہ ماہرین برآمد شدہ والی آئی ای ڈی کا بھی جانچ کر رہی ہے- (جموں کشمیر پریس سروس)
