امت نیوز ڈیسک //
جموں و کشمیر کے لیفٹنٹ گورنر منوج سنہا نے جمعرات کو اپنے ایک بیان میں کہا ہے کہ وہ دن دور نہیں جب تمام جموں میں مقیم کشمیری پنڈتوں کی گھر واپسی ہوگی۔
جموں و کشمیر پریس سروس کے موصولہ تفصیلات کے مطابق جموں میں ایک تقریب کے دوران میڈیا سے بات کرتے ہوئے ایل جی منہوج سنہا نے کہا کہ تمام کشمیری پنڈتوں کی گھر واپسی کیلئے اقدامات اٹھائے جارہے ہیں تاکہ کشمیری پنڈت بھی خوشی سے کشمیر میں اپنے گھروں کو روانہ ہونگے۔
انہوں نے کہا کہ پی ایم پیکیج کے تحت کام کرنے والے کشمیری پنڈت ملازمین جنہوں نے وادی میں جاکر اپنا فرائض انجام دے رہے ہیں ان کی اجرتیں واگزار کردی گئی ہے جبکہ ان کے تحفظات کے لئے بھی معقول انتظامات کر لئے گئے ہیں۔
انہوں نے کہا کہ پنتھا چوک میں 3000 ہزار یاتری نواس بلڈنگ کو بہت ہی جلد مکمل کیا جائے گا۔
