امت نیوز ڈیسک //
اراضی کے بڑے حصے پر تجاوزات کا شبہ ہونے کی وجہ سے تحصیلدار حویلی نے ضلع ہسپتال پونچھ کی حد بندی کرنے کا حکم دیا ہے۔
تحصیلدار حویلی انجم بشیر خان خٹک نے بتایا کہ ضلع ہسپتال پونچھ کے میڈیکل سپر نٹنڈنٹ نے ہسپتال کی اراضی کی حد بندی کرنے کی درخواست کی ہے کیونکہ ہسپتال کے نام 52 کنال اور 5 مرلہ اراضی درج ہے لیکن کل رقبے کے ایک بڑے حصے پر بظاہر قبضہ کیا گیا ہے۔ تحصیلدار کی جانب سے جاری ایک حکم نامہ کے مطابق، حقیقت کو مد نظر رکھتے ہوئے، یہ معاملہ نازک اور پیچیدہ نوعیت کا ہے اور اس کو ترجیحی بنیادوں پر حل کرنے کی ضرورت ہے ، مذکورہ اراضی کی حد بندی کرنے اور تجاوزات کے حوالے سے (اگر کوئی ہے) تفصیلی رپورٹ پیش کرنے کے لیے ریونیو حکام کا ایک کمیشن تشکیل دیا گیا ہے”۔
حکم نامہ کے مطابق، اراضی کا جائزہ لینے کے بعد نور کنی کمیشن تشکیل دیا گیا۔
ہے۔ تحصیلدار نے کمیشن پر زور دیا کہ وہ زمین پر ہونے والے غیر قانونی قبضے کی تفصیلات جمع کرائے جو در حقیقت ہسپتال کے نام درج ہے، جس میں تجاوزات کرنے والوں اور ان اہلکاروں کی تفصیلات بھی شامل کی جائیں جنہوں نے ان میوٹیشنز / ریونیو اندراجات میں اراضی درج کی ہے۔ حکم نامے میں کہا گیا، ”کمیشن 17 فروری کو جائے وقوعہ کا دورہ کرے گا اور 20 فروری تک یا اس سے پہلے سفارشات کے ساتھ رپورٹ پیش کرے۔
