امت نیوز ڈیسک //
حکومت جموں و کشمیر نے جمعہ کے روز سرکاری فرائض احسن طریقے سے انجام نہ دینے کے پاداش میں 2 اعلیٰ افسران کو نوکری سے برطرف کردیا ہے۔
جموں و کشمیر پریس سروس کے موصولہ تفصیلات کے مطابق حکومت نے جموں جیل کے سپرنٹنڈنٹ اور ایک سابق اسسٹنٹ ریجنل ٹرانسپورٹ افسر کو نوکریوں سے برطرف کر دیا ہے۔
جاری کردہ دو الگ الگ احکامات کے مطابق حکومت نے سلیم احمد بیگ، سپرنٹنڈنٹ جیل، جو اس وقت ڈسٹرکٹ جیل جموں میں تعینات ہیں، اور عبدالمجید بھٹ، اس وقت کے آئی / سی اے آر ٹی او شوپیاں ہے کو برطرف کرنے کا حکم دیا گیا ہے۔
احکامات کے مطابق، حکومت کی طرف سے تشکیل دی گئی جائزہ کمیٹی نے مشاہدہ کیا کہ ان افسران نے اپنی ذمہ داریاں احسن طریقے سے انجام نہیں دی ہیں اور ان کا طرز عمل مشکوک/ غیر تسلی بخش رہا ہے.
حکام کا کہنا ہے دونوں معاملات میں مزید تحقیقات جاری ہیں۔
