امت نیوز ڈیسک //
بارہمولہ / / پولیس نے منگل کو شمالی کشمیر کے بارہمولہ ضلع میں لشکر تنظیم کے دو جنگجو معاونین کو گر فتار کرنے کا دعوی کیا ہے۔
پولیس کے ایک ترجمان نے بتایا کہ بارہمولہ پولیس اور 176 بٹالین سی آرپی ایف کی مشترکہ ٹیم نے گاوں مونچھ کھڈ کنزر میں عسکریت پسندوں کی موجودگی سے متعلق ایک خاص اطلاع پر مذکورہ گاوں میں ایک مشترکہ محاصرہ اور تلاشی کار وائی شروع کی۔
انہوں نے بتایا کہ محاصرے کے دوران دو مشتبہ افراد کو گر فتار کیا گیا جن کی شناخت، خورشید احمد خان ولد مشتاق احمد خان اور ریاض احمد خان ولد محی الدین خان دونوں زند پال کنزر کے رہائشی ہیں۔
ترجمان نے مزید کہا کہ ان کے قبضے سے دواے کے 47 میگزین ، 15 اے کے 47 راوند ، کالعدم لشکر طیبہ (ٹی آر ایف) کے 20 خالی پوسٹر ز برآمدہوئے۔
انہوں نے کہا کہ پوچھ گچھ کے دوران مشتبہ افراد نے انکشاف کیا کہ وہ کالعدم عسکریت پسند تنظیم ایل ای ٹی (ٹی آر ایف) کے ساتھ عسکریت پسندوں کے ساتھی کے طور پر کام کر رہے ہیں۔ پولیس ترجمان نے کہا کہ انہیں فوری طور پر حراست میں لے لیا گیا۔ انہوں نے مزید بتایا کہ عسکریت پسندوں کے ساتھی نے یہ غیر قانونی گولہ بارود کنزر اور ملحقہ علاقوں میں عسکریت پسندانہ سرگرمیاں انجام دینےکے ارادے سے حاصل کیا تھا۔
