امت نیوز ڈیسک //
حیدرآباد / / بھارتیہ جنتا پارٹی کے قومی جنرل سکریٹری ترون چنگھ نے جمعرات کو کانگریس کے سینٹر لیڈر راہل گاندھی سے غیر ملکی سر زمین پر بھارت اور وزیر اعظم نریندر مودی کی شبیہ کو خراب کرنے پر معافی مانگنے کا مطالبہ کیا۔
کیمبرج یونیورسٹی میں راہول گاندھی کی تقریر پر سخت تنقید کرتے ہوئے، چگھ نے کہا کہ ایک ایسے وقت میں جب بھارت کو جی 20 گروپ کی قیادت کرنے کی قابل فخر ذمہ داری سونپی گئی ہے، راہول گاندھی کے ہتک آمیز خطاب نے یہ ظاہر کیا کہ وہ بھارت کو دیکھنے کے لیے اب بھی اطالوی چشمہ بہن رہے ہیں۔
ایک بیان میں چکھ نے کہا کہ ایک ایسے وقت میں جب پوری دنیا بھارت کی طرف دیکھ رہی ہے اور بھارت جمہوریت کی ایک زندہ مثال بن گیا ہے، راہول کا کیمبرج یونیورسٹی میں خطاب ان کے اور کانگریس نظریے کا ایک حصہ تھا۔
انہوں نے کہا کہ راہول کا تمام بھارتیوں کو بد نام کرنے کے لئے بھارت کے خلاف گمراہ کن اور منفی پروپیگنڈہ کانگریس کے دیوالیہ پن کو ظاہر کرتا ہے اور یہ اس کی سوچ ہے۔
چکھ نے کہا کہ راہول گاندھی کو گورننس اقدامات کے بارے میں بات کرنی چاہئے تھی جو مودی حکومت نے لائی ہیں لیکن ان کے اطالوی چشمے انہیں یہ دیکھنے نہیں دیتے اور اس کے لئے انہیں ملک سے معافی مانگنی چاہئے۔
