سری نگر//جموں و کشمیر پولیس نے ایک ہائی پروفائل کیس میں گرمائی دار الحکومت سری نگر میں ، ہنجرات کے ایک شخص کو گر فتار کیا ہے ، جو خود کو ایڈیشنل ڈائریکٹر ( سٹریٹجی اینڈ کمپین ) پرائم منسٹر آفس، نئی دہلی کےطور پر ظاہر کر رہا ہے۔ ذرائع نے جتایا کہ کرن پٹیل ولد جگدیش پٹیل نامی شخص جو کہ ایڈیشنل ڈائریکٹر (حکمت عملی اور مہمات) پی ایم او، نئی دہلی ظاہر کر رہا ہے ، کے بارے میں مخصوص معلومات ملنے کے بعد پولیس نے تیزی سے کارروائی کی اور اس شخص کو گر فتار کر لیا۔
اسی کے مطابق، سری نگر پولیس نے پولیس تھانہ نشاط میں ایک ایف آئی آرزیر نمبر 2023 /19 درج کی، جس میں لکھا گیا ہے کہ 02 مارچ 2023 کو پولیس تھانہ نشاط کو موصول ہونے والی ایک قابل اعتماد اطلاع نے انکشاف کیا ہے کہ کرن بھائی پٹیل ولد جگدیش بھائی پٹیل ساکن گجرات نامی ایک دھو کہ باز ہے۔ مجرمانہ ارادے کی بنا پر اس پولیس تھانہ کے دائرہ اختیار اور وادی کشمیر کے دیگر حصوں میں سر گرمیوں میں ملوث ہے اور اعلی درجے کے جعلی ذرائع استعمال کر رہا ہے۔ کرن بھائی نے خود کوبھارت کے سینٹر سرکاری عہدیدار کے طور پر ظاہر کیا ہے۔ ایف آئی آر کے مطابق مذکورہ شخص نے ، دھوکہ دہی، جعلسازی اور نقالی کا سہارا لے کر لوگوں کو دھوکہ دیا اور مالی اور مادی فوائد کے حصول کے لیے ایک مجرمانہ منصوبے کے مطابق، جان بوجھ کر لوگوں کو سر گرمیاں کرنے اور چھورنے کے لیے اکسایا “۔
اطلاعات کے مطابق، پٹیل کو جموں و کشمیر پولیس سے سیکیورٹی بھی حاصل تھی اور وہ کمرہ نمبر 1107 میں ہوٹل ملت میں مقیم تھا۔ اطلاعات کے مطابق دھوکہ باز نے وسطی کشمیر کے بڈگام ضلع میں دودھ پتری سمیت کشمیر کے متعدد مقامات کا دورہ کیا تھا۔ دودھ پتھری میں دھوکہ باز کے ساتھ ایس ڈی ایم رینک کا افسر بھی تھا۔
