امت نیوز ڈیسک //
ضلع بڈگام کے ناربل علاقے میں دوران شب آگ کی ہولناک واردات میں 2 رہائشی مکان جزوی طور پر خاکستر ہوگئے۔
جموں کشمیر پرس سروس کے موصولات تفصیلات کے مطابق جمعہ اور ہفتے کی درمیانی رات کو ناربل کے کلی محلہ علاقے میں 2 رہائشی مکانوں میں آگ نمودار ہوئی جس کی وجہ سے پورے علاقے میں افراتفری کا ماحول پھیل گیا اور لوگ جائے واردات کی طرف دوڑنے لگے تاہم اس دوران پولیس اور فائر اینڈ ایمرجنسی سروس بھی جائے واردات پر پہنچ گئے اور آگ بجھانے میں لگ گئے اور آگ کو مزید پھیلنے سے روک دیا۔
تاہم اگ کی اس واردات میں رہائشی مکانات میں موجود لاکھوں روپے مالیت کا سازوسامان راکھ کی ڈھیر میں تبدیل ہوا۔
