امت نیوز ڈیسک //
جموں و کشمیر پولیس نے اتوار کو کہا کہ گجرات سے تعلق رکھنے والے شہری جس نے خود کو جعلی ایڈیشنل ڈائریکٹر پی او یم قرار دیا تھا کو سیکورٹی اور بلٹ پروف گاڑی فراہم کرنا انٹیلی جنس کی ناکامی نہیں تھی بلکہ ایک ”غلطی “تھی جس کی تحقیقات کی جا رہی ہیں۔
سرینگر میں ایک تقریب کے موقع پر اے ڈی جی پی کشمیر وجے کمار نے نامہ نگاروں کو بتایا، ”ہم زبانی مکالمے یا حکم پر کسی کو سیکورٹی کور فراہم نہیں کرتے ہیں۔“
انہوں نے کہا کہ ایک سینئر آئی پی ایس افسر کی قیادت میں ایک ٹیم نے ایک ہوٹل پر چھاپہ مارا اور گجرات سے کون مین کو گرفتار کیا اور اس سے جعلی وزیٹنگ کارڈ برآمد کیا۔
ایک مناسب ایف آئی آر درج کی گئی ہے اور کانمین سے پوچھ گچھ کی گئی ہے۔ فی الحال وہ جوڈیشل ریمانڈ کے تحت سلاخوں کے پیچھے ہے۔
