امت نیوز ڈیسک //
جموں و کشمیر کے مفتی عظم مفتی ناصر الاسلام نے اعلان کیا کہ شب قدر 17 اپریل کو ہوگی جب کہ عید کا چاند 20 اپریل کو نظر آنے کی صورت میں لوگوں کو ایک دن کا قضا روزہ رکھنا ہو گا۔
مولانا رحمت اللہ قاسمی، غلام رسول حامی اور پروفیسر محمد طیب کاملی، مولانا آغا سید الحسن موسوی، غلام محمد بٹ، مولانا فیاض احمد رضوی، مسرور عباس انصاری اور دیگر شامل علمائے کرام کے جانب سے منعقدہ اجلاس کے بعد صحافیوں سے گفتگو کرتے ہوئے، مفتی اعظم نے کہا کہ شب قدر 17 اپریل کو ہو گی، چاند 20 اپریل کو دیکھا جائے گا اور اگر چاند نظر آ گیا تو لوگوں کو عید کے بعد ایک دن کا قضا روزہ رکھنا ہو گا۔
انہوں نے کہا کہ عید کے حوالے سے کوئی بھی فیصلہ علمائے کرام سے مکمل مشاورت کے بعد کیا جائے گا۔ انہوں نے کہا کہ کسی بھی اعلان سے پہلے محکمہ موسمیات سے بھی مشاورت کی جائے گی۔
