امت نیوز ڈیسک//
گاندربل 14 اپریل: وسطی کشمیر کے گاندربل ضلع کے آرام پورہ علاقے میں آگ لگنے کے واقعے میں ایک بیکری کی دکان کو نقصان پہنچا۔
سی این ایس تک پہنچنے والی اطلاعات کے مطابق رات کے اوقات میں آرام پورہ گاندربل میں سندھ والی بیکری کی دکان میں آگ بھڑک اٹھی جب دکان سے آگ کے شعلے دیکھ کر مقامی لوگوں نے فائر اور ایمرجنسی سروسز کو مطلع کیا۔
انہوں نے کہا کہ آگ پر قابو پالیا گیا تاہم مذکورہ بیکری کی دکان کو جزوی نقصان پہنچا۔
دریں اثنا، پولیس نے نوٹس لے لیا ہے اور آگ لگنے کی وجہ کا پتہ لگایا جا رہا ہے۔
