سری نگر، 17 اپریل؛ سری نگر کے حضرت بل درگاہ علاقے میں پیر کی دوپہر ایک تجارتی کمپلیکس میں زبردست آگ لگ گئی۔
سی این ایس کو موصول ہونے والی اطلاعات کے مطابق، سرسید گیٹ کشمیر یونیورسٹی کے سامنے واقع امیگوس ریسٹورنٹ میں آج دوپہر آگ بھڑک اٹھی جس نے جلد ہی کمپلیکس میں جاوید حبیب سیلون سمیت قریبی دکانوں کو اپنی لپیٹ میں لے لیا، جس کے بعد فائر ٹینڈرز کو موقع پر پہنچایا گیا۔
آگ کے شعلے مسلسل بھڑک رہے ہیں اور ہر طرح کا خدشہ ہے کہ اگر جلد ہی کسی بھی وقت بجھایا نہ گیا تو یہ آگ قریبی عمارتوں کو بھی نقصان پہنچا سکتی ہے۔
آگ لگنے کی وجہ فوری طور پر معلوم نہیں ہوسکی تاہم شارٹ سرکٹ بتایا جارہا ہے۔
