امت نیوز ڈیسک //
رامبن: جموں و کشمیر کے ضلع رامبن کے کھاری تحصیل کے جنگلاتی علاقے میں سکیورٹی فورسز نے ایک مشترکہ کارروائی کے دوران عسکریت پسندوں کے ایک کمین گاہ کا پردہ فاش کیا۔ تلاشی کے دوران سکیورٹی فورسز نے گولہ بارود بھی برآمد کیا گیا۔
پولیس کے ایک ترجمان نے بتایا کہ رامبن ضلع کے تحصیل کھاری کے جنگلاتی علاقے میں سکیورٹی فورسز کو گولہ بارود اور دیگر مجرمانہ مواد کے ذخیرہ کی موجودگی کے بارے میں قابل اعتماد ذرائع سے اطلاع ملی تھی۔ اطلاع ملتے ہی رامبن پولیس اور سکیورٹی فورسز نے مشترکہ طور پر علاقہ میں تلاشی مہم شروع کی۔ اس دوران سکیورٹی فورسز نے ایک مشتبہ ٹھکانے کی تلاشی لی۔ تلاشی کارروائی کے دوران سکیورٹی فورسز نے گولہ بارود برآمد کیا۔پولیس کے مطابق عسکریت پسندوں کے کمین گاہ سے دو رائفلز، ایک یو بی جی ایل گرینیڈ، ایک وائرلس بیٹری کے بغیر۔ دو آئی ای ڈی قسم کے تار کے ساتھ، ایک ڈیٹونیٹر قسم کے تار کے ساتھ، سترہ AK47 کارٹلیج، سات 9mm کارٹلیج، ایک شیشے کی بوتل، ایک خاکی جیکٹ اور ایک سیاہ چمڑا جوتا برآمد کیا گیا ہے۔ اس سلسلے میں پولیس نے بانہال پولیس اسٹیشن میں ایک ایف آئی آر درج کی اور اس کیس میں مزید تحقیقات شروع کی ہے۔
واضح رہے کہ گذشتہ ماہ سکیورٹی فورسز نے رامبن کے مانگت کھاری جنگل علاقہ میں تلاشی آپریشن کے دوران عسکریت پسندوں کی کمین گاہ کو تباہ کرنے کا دعوی کیا۔ تلاشی کارروائی کے دوران بھاری مقدار میں اسلحہ و گولہ بارود برآمد کیا گیا۔
