امت نیوز ڈیسک //
سری نگر، 04 مئی: جنوبی کشمیر کے اننت ناگ ضلع کے بجبہاڑہ علاقے میں جمعرات کی شام مشتبہ جنگجوؤں نے سیکورٹی فورسز پر فائرنگ کی۔ ایک اعلیٰ پولیس افسر نے جی این ایس کو بتایا کہ عسکریت پسندوں نے بجبہاڑہ میں ناکہ پارٹی پر کچھ راؤنڈ فائرنگ کئے۔ اس واقعہ میں ایک پولیس اہلکار کو معمولی چوٹیں آئیں۔ اسے علاج کے لیے قریبی اسپتال منتقل کر دیا گیا ہے۔ حملے کے فوراً بعد حملہ آوروں کو پکڑنے کے لیے پورے علاقے کو گھیرے میں لے لیا گیا ہے۔(جی این ایس)
