کنڈی گن فائٹ: – پانچ فوجی مارے گئے، آپریشن جاری

سری نگر، 5 مئی: راجوری ضلع کے کنڈی بستی کے کیساری علاقے میں جمعہ کی صبح سیکورٹی فورسز اور جنگجوؤں کے درمیان گولی باری میں پانچ فوجی مارے گئے۔

سرکاری ذرائع نے بتایا کہ پانچ فوجی مارے گئے ہیں جن کی شناخت کی جا رہی ہے جبکہ علاقے میں سرچ آپریشن جاری ہے۔

قبل ازیں ایک اہلکار نے بتایا کہ پولیس، فوج اور سی آر پی ایف کی ایک مشترکہ ٹیم نے علاقے میں عسکریت پسندوں کی موجودگی کے بارے میں مخصوص اطلاع پر ایک محاصرہ اور تلاشی آپریشن (CASO) شروع کیا۔

انہوں نے کہا کہ جب فورسز کی مشترکہ ٹیم مشتبہ مقام کی طرف پہنچی تو چھپے ہوئے جنگجوؤں نے ان پر فائرنگ کی جس پر جوابی کارروائی کی گئی جس سے فائرنگ کا تبادلہ شروع ہوا۔