امت نیوز ڈیسک//
جموں، 08 مئی: جموں ڈویژن کے ریاسی ضلع میں دریائے چناب میں پیر کو ایک بیڑا الٹنے سے کم از کم 12 افراد، جن میں زیادہ تر سیاح تھے، بال بال بچ گئے۔
خبر رساں ایجنسی کے مطابق، یہ واقعہ پیر کی دوپہر کو پیش آیا جب 12 افراد، جو رافٹنگ سے لطف اندوز ہو رہے تھے، کو وہاں موجود رافٹنگ ماہرین، مقامی لوگوں اور پولیس اہلکاروں نے بروقت بچا لیا۔
حادثے کا شکار ہونے والے سیاحوں کا تعلق بریلی سے تھا اور وہ دریائے چناب میں رافٹنگ سے لطف اندوز ہونے آئے تھے۔
انہوں نے بتایا کہ رافٹنگ کے دوران ہمارا بیڑا ایک پل کے ستون سے ٹکرا گیا اور بیڑے میں سوار تمام افراد دریا کے پانی میں گر گئے۔
انہوں نے کہا کہ "یہ ہمارے لیے جان کے خطرے کی گھڑی تھی،” انہوں نے مزید کہا کہ رافٹنگ کے کچھ دوسرے ماہرین، مقامی لوگ اور پولیس اہلکار بچاؤ کے لیے آئے اور انہیں کامیابی سے بچایا۔
واقعہ میں تمام افراد محفوظ ہیں اور بال بال بچ گئے-
