امت نیوز ڈیسک//
سری نگر، 02 جون: اننت ناگ ضلع کے اونتی پورہ علاقے کے قریب 25 مئی کو سری نگر-جموں قومی شاہراہ پر ایک حادثے میں زخمی ہونے والا ایک سیاح جمعہ کو زخموں کی تاب نہ لاتے ہوئے چل بسا۔
ایک اہلکار نے خبر رساں ایجنسی کو بتایا کہ 25 مئی کو بارسو اونتی پورہ کے قریب ایک گاڑی کے الٹنے سے یہ شخص چار دیگر افراد کے ساتھ زخمی ہوا تھا۔
انہوں نے کہا کہ انہیں ایس ایم ایچ ایس سری نگر میں داخل کرایا گیا تھا جہاں وہ آج زخموں کی تاب نہ لاتے ہوئے چل بسا۔
اس کی شناخت کلکتہ کے پردیپ کمار کے طور پر ہوئی ہے۔
