امت نیوز ڈیسک //
جموں وکشمیر کے مفتی اعظم مفتی ناصر الاسلام نے اعلان کیا ہے کہ جموں وکشمیر میں عیدالضحی 29 جون بروز جمعہ رات کو منائی جائے گی کیونکہ پیر کی شام وادی چناب کے ضلع رام بن میں ذی الحجہ کا چاند نظر آنے کی تصدیق ہوئی ہے۔ ناصر الاسلام نے کہا کہ ذی الحجہ کا چاند ضلو رام بن کے بٹوٹ علاقے میں دیکھا گیا ہے اور عیدالضحی 29 جون 2023 کو منائی جائے گی۔
ذی الحجہ اسلامی کلینڈر کا بارہواں اور آخری مہینہ ہے۔ سالانہ حج اور جانوروں کی قربانی سے عیدالضحیٰ کی اہمیت خاص ہوجاتی ہے۔ مفتی ناصر الاسلام نے نے کہا کہ قربانی کرنے کا ارادہ رکھنے والے تمام افراد پر ضروری ہے کہ وہ اپنے بال اور ناخن اس وقت تک نہ تراشیں جب تک کہ جانور کی قربانی انجام نہ دے۔
واضح رہے کہ بھارت کے ساتھ ساتھ پاکستان میں ذی الحجہ کا چاند نظر آنے کی تصدیق کردی گئی ہے لہذا عید الاضحیٰ 29 جون بروز جمعرات کو منائی جائے گی۔ سعودی عرب میں عید الاضحیٰ 28 جون کو منائی جائے گی چونکہ وہاں ذی الحجہ کا چاند 18 جون کو نظر آگیا ہے۔ وہیں اترپردیش میں مرکزی چاند کمیٹی کے صدر مولانا خالد رشید فرنگی محلی نے ویڈیو پیغام میں کہا کی ذی الحجہ کے چاند کی تصدیق ہوگئی ہے۔ لہذا عید الاضحیٰ 29 جون کو پورے ملک میں منائی جائے گی۔ انہوں نے عالم اسلام کو ذی الحجہ کی چاند کی مبارکباد بھی پیش کی ہے۔ مفتی اعظم جموں و کشمیر مفتی ناصر الاسلام نے بھی پیر کو ذی الحجہ کا چاند نظر آنے کی تصدیق کی ہے۔
