امت نیوز ڈیسک // سرینگر پولیس نے جمعرات کو بھتہ خوروں کے گینگ کا پردہ فاش کرکے چار افراد کو سلاخوں کے پیچھے ڈال دیا ہے۔ پولیس کے مطابق گینگ نامہ نگاروں/ پولیس جیسے پیشہ ور افراد کی نقالی کر کے معصوم لوگوں کو بلیک میل کر کے پیسے ہڑپنے کا کام کرتے تھے۔ پولیس کے مطابق اس ضمن میں گینگ کے چار افراد بشمول دو خواتین کی گرفتاری عمل میں لائی گئی جن کی شناخت فردوس احمد میر ساکنہ رعناواری (جعلی ایس پی) محمد طارق میرساکنہ لال بازار (جعلی رپورٹر ) عائشہ ساکنه ہمنہ (ہنی ٹریپ کرنے والی) اور حبہ کدل کی مسرت میر (جعلی کرائم برانچ آفیسر ) کے بطور ہوتی ہے۔
پولیس ٹویٹ کے مطابق ہنی ٹریپ کرنے والی عورت سیدھے سادے لوگوں کو اپنی جال میں پھنسا کر ملاقات کا انعقاد کرتی تھی اور اس کے بعد دیگر گینگ کے لوگ موقعہ پر پہنچ کر مذکورہ سیدھے سادے لوگوں کو بلیک میل کرتے تھے ۔
اس ضمن میں پولیس نے صدر تھانہ میں FIR زیر نمبر 68 /2023 درج کر کے IPC419,472,392 کے تحت معاملے کی تحقیقات شروع کی ہے۔ معلوم ہوا کہ ان افعال کے لئے مہجور نگر میں ایک گھر استعمال کیا جاتا تھا۔
