امت نیوز ڈیسک //
سری نگر، 18 ستمبر : جموں و کشمیر کے لیفٹیننٹ گورنر منوج سنہا نے پیر کو ڈی وائی ایس پی ہمایوں مزمل بھٹ کی رہائش گاہ پر جا کر اہل خانہ سے تعزیت کی۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ ایل جی سنہا نے چیف سکریٹری ارون کمار مہتا، ڈویژنل کمشنر کشمیر، ڈی آئی جی سنٹرل کشمیر، ایس ایس پی بڈگام اور دیگر عہدیداروں کے ساتھ آج صبح رہائش گاہ کا دورہ کیا۔
ہمایوں بھٹ گزشتہ ہفتے دو فوجی افسروں کے ساتھ اننت ناگ میں انکاؤنٹر کے دوران مارے گئے تھے۔ ایل جی سنہا نے خاندان کے ساتھ تعزیت اور ہمدردی پیش کرنے کے لیے ہمہاما میں رہائش گاہ کا دورہ کیا۔
