(موغادیشو)صومالیہ حکام نے اطلاع دی ہے کہ بڑے پیمانے پر آنے والے سیلاب نے 50 افراد کی جانیں لے لی ہیں اور تقریباً 700000 افراد کو اپنا گھر بار چھوڑنے پر مجبور کیا ہے، جب کہ خدشہ ہے کہ متوقع شدید بارشوں کے نتیجے میں صورت حال مزید خراب ہو جائے گی۔صومالیہ میں نیشنل ڈیزاسٹر منیجمنٹ اتھارٹی کے سربراہ محمود معلم عبداللہ نے ایک پریس کانفرنس میں کہا کہ’’سیلاب کی قدرت آفت کے نتیجے میں اب تک 50 افراد ہلاک ہوئے، جب کہ 687235 افراد اپنے گھر بار چھوڑنے پر مجبور ہوئے۔‘‘ انہوں نے خبردار کیا کہ متوقع بارشوں سے مزید سیلاب آسکتے ہیں جو موت اور تباہی کا باعث بن سکتے ہیں۔واضح رہےہارن آف افریقہ کے علاقے میں حالیہ ہفتوں میں شدید بارشیں اور سیلابی صورتحال دیکھنے میں آئی ہے۔ یاد رہےہارن آف افریقہ کا خطہ آب و ہوا کے اتار چڑھاؤ کے لیے سب سے زیادہ خطرے سے دوچار ہے اور یہ شدید ماحولیاتی مظاہر کا مشاہدہ کرتا ہے۔یہ خطہ چار دہائیوں میں بدترین خشک سالی کا شکار رہا ہے۔ خشک سالی کے دوران بارشیں نہ ہونے سے فصلوں کی کاشت بند ہوگئی اور لاکھوں کی تعداد میں مویشی ہلاک ہوگئے۔